ဝမ်းရေးအတွက် လမ်းဘေးထွက် တောင်းရမ်းနေရတဲ့ လူရွှင်တော်ကြီးတစ်ဦး..

မန္တလေးမြို့လယ်ကောင် ၇၃ လမ်းမပေါ်မှာ နိစ္စဓူဝ ဖြတ်သန်းသွားလာနေသူတွေအဖို့ မီးပွိုင့်မှာ မီးနီရပ်စောင့်နေချိန် ကား၊ ဆိုင်ကယ်တွေအနားကပ်ပြီး လာရောက်တောင်းရမ်းတတ်တဲ့ အဖိုးအို တစ်ဦးကို သတိထားမိကြမှာပါ။

ခေါင်းပေါင်းခပ်နွမ်းနွမ်းတစ်ထည် ခေါင်းမှာပတ်ထားပြီး ဟောင်းနွမ်းနေတဲ့ အဝတ်တစ်ထည် ကိုယ်တစ်ခုနဲ့ ဒီအဘိုးအိုကို တောင်းရမ်းသူတစ်ဦးအဖြစ်သာ လူအများစုက မြင်ကြမှာဖြစ်ပြီး၊ တစ်ချိန်က ခေတ်ဟောင်း လူရွှင်တော်ကြီးတစ်ဦးအဖြစ် စင်မြင့်ထက်မှာ ပရိသတ်ကို ကပြဖျော်ဖြေ အသုံးတော်ခံခဲ့တယ် ဆိုတာကိုတော့သတိထားမိသူ အင်မတန်နည်းပါလိမ့်မယ်။

သူ့နာမည်ဟာ အဘိုးဦးတူးဖြစ်ပြီး အသက် ၇၃ နှစ် ရှိပါပြီ။ သူဟာ တစ်ချိန်က ဇာတ်သဘင်စင်မြင့်ထက်မှာ ပရိသတ်တွေကို ဟဒယဆေး တိုက်ကျွေးခဲ့တဲ့ လူရွှင်တော်တိုင်းကျော် ဖြစ်ပါတယ်။ ခမ်းနားလှတဲ့ ဇာတ်စင်ပေါ်က ဘဝကို အတိတ်မှာချန်ထားခဲ့ပြီး မန္တလေးရဲ့ လမ်းဘေးတစ်နေရာမှာ လူမသိ သူမသိ တောင်းရမ်း စားသောက်နေပါတယ်။

(ဒီနေရာမှာ စာဖတ်သူတွေကို အထူးအသိပေးလိုတာက လူရွှင်တော်တိုင်းကျော် ဆိုတာဟာ အဘိုးဦးတူးကို ရည်ညွှန်းတာဖြစ်ပြီး အခုလက်ရှိ ဟားငါးကောင်အဖွဲ့က လူရွှင်တော်တိုင်းကျော်ကို ရည်ညွှန်းတာ မဟုတ်ကြောင်း ကွဲပြားစေလိုပါတယ်။)

“တစ်ချိန်က လူရွှင်တော်ကြီးဆိုတာကို မသိကြဘူး။ သိတဲ့လူတချို့ကတော့ ဦးတိုင်းကျော်လားဆိုပြီး မေးကြတယ်။ မြို့ထဲမှာ သင်္က࿿န်ြစာလည်ရောင်းနေတဲ့သူ တစ်ယောက်နဲ့လည်း လူမှားကြသေးတယ်။ လောကကြီးက လူတူမရှား နာမည်တူမရှားလေ”လို့ လူရွှင်တော်ဟောင်းကြီး ဦးတိုင်းကျော် တစ်ဖြစ်လဲအဘိုးဦးတူးက ပြောပါတယ်။

သူအမြဲစားကျက်ချလေ့ရှိတဲ့ တောင်းရမ်းရာနေရာဆီကိုမနက်တိုင်း လိုင်းကားစီးလာလေ့ရှိပါတယ်။ ငွေကျပ် ၅çဝဝဝတောင်းရမ်းလို့ရပြီဆိုရင် သူ့အတွက် တစ်နေ့စာ လုံလောက်ပြီဖြစ်လို့ အိမ်ပြန်လေ့ရှိပါတယ်။

အိမ်မှာတော့ “ကလေး” လို့ အဘိုးဦးတူး အမြတ်တနိုးခေါ်သူတစ်ဦးက စောင့်နေတတ်ပါတယ်။ သူက အသက် ၅၀ နား နီးနေပြီဖြစ်တဲ့ သူ့ချစ်ဇနီးသည်ပါ။ အိမ်ထောင်သက် ၂၆ နှစ်ရှိပြီဖြစ်ပြီး မသန်စွမ်းတစ်ဦးဖြစ်တဲ့ ဇနီးသည်ကို သူတတ်နိုင်တဲ့ နည်းလမ်းနဲ့ ပြုစုစောင့်လျှောက်ရတာ ဖြစ်တယ်လို့ အဘိုးဦးတူးက ဆိုပါတယ်။

လွန်ခဲ့တဲ့ ၁၉၆၀ ပြည့်လွန်နှစ်တွေက လူရွှင်တော်တစ်ဖြစ်လဲအငြိမ့်တွေ၊ ဇာတ်သဘင်တွေမှာ ဖျော်ဖြေ ကပြရင်း သမုဒ္ဒရာဝမ်းတစ်ထွာအရေး ပြေလည်ခဲ့ပေမဲ့ အခုအချိန်မှာ သူ့အတွက် ဝမ်းစာဖူလုံရေးဟာ အများသူငှာရဲ့ ကရုဏာနဲ့ ဥပေက္ခာအကြားမြင့်တစ်ချီ နှိမ့်တစ်လှည့် ဖြစ်ရပါတယ်။

“တောင်းစားဖြစ်နေတာက ဇာတ်မထွက်ရတော့တာလည်း ကြာပြီ။ ထွက်ရရင်လည်း ညကြေးလေး ၁၀çဝဝဝ လောက်နဲ့ ဘာသွားစားမလဲ” လို့ အဘိုးဦးတူးက ပြောပါတယ်။

အံတုလို့ ရပေမဲ့ အာခံလို့မရတဲ့ ဇရာရေချိန် ကျဆင်းလာတဲ့အခါမှာတော့ အရင်က ဒိုးတူပေါင်ဖက် လက်တွဲခဲ့တဲ့ ဇာတ်သမားတွေကလည်း လမ်းခွဲစကား ဆိုလာကြတယ်လို့ သူက ဆိုပါတယ်။”အရင်က ခေါ်တဲ့သူတွေက ပြောကြတယ်။ အသက်လည်းကြီးပြီ။ ကားအဆင်း အတက်ကအစ မလွယ်ဘူးတဲ့။ အမှန်တော့(သူတို့က ကိုယ့်ကို) မလိုချင်တော့တာ” လို့ ဦးတူးက ပြောပါတယ်။

ဒီလို အခက်အခဲတွေရှိနေပေမဲ့ အသက်ရှူနေသရွေ့ ဝမ်းရေးအတွက် မဖြစ်မနေ ရုန်းကန်ရမှာမို့ တစ်ချိန်က သူဟာဒယရွှင်ဆေး တိုက်ကျွေးခဲ့တဲ့ ပြည်သူတွေဆီကပဲ အာဟာရအသက်ရှင်ဆေးအတွက် စေတနာရှိသမျှ စွန့်ကြဲအသပြာကို တောင်းခံဖို့ သူဆုံးဖြတ်လိုက်ပါတယ်။

“ဒီအရွယ်ကျမှ ဆိုက်ကားနင်း၊ အထမ်းသမားလည်း မလုပ်နိုင်တော့ဘူးလေ”လို့ အဘိုးဦးတူးက ပြောပါတယ်။ပြောင်းလဲလာတဲ့ ခေတ်ရေစီးကြောင်း၊ ခေတ်သစ် အနုပညာလှိုင်းတွေအကြား အငြိမ့်၊ ဇာတ်သဘင်လောကရဲ့ ခေတ်ကောင်းနိဋ္ဌဌိတံဖို့ တဖြည်းဖြည်း နီးကပ်လာချိန်မှာ ရပ်တည်ရေးအတွက် ရုန်းကန်နေရတဲ့ ဇာတ်အဖွဲ့တွေ ရှိသလို၊ လက်ရှိ အချိန်အထိ အားပေးသူ ပရိသတ်အခိုင်အမာနဲ့ ရပ်တည်နေတဲ့ ဇာတ်အဖွဲ့တချို့လည်း ရှိနေပါသေးတယ်။

အဘိုးဦးတူးရဲ့ အဖြစ်ကတော့ ဇာတ်အတွင်း ကပြဖျော်ဖြေအသုံးတော်ခံတဲ့ ဟာသလူရွှင်တော်တွေရဲ့ ဘဝဟာ ရေရှည်မှာ မရေရာမှုတွေနဲ့ ပြည့်နှက်နေကြောင်း လှစ်ဟပြနေသလိုပါပဲ။

အနုပညာမြို့တော်လို့ တင်စားရလောက်အောင် သူ့အသက် ငယ်ရွယ်စဉ်တုန်းက မန္တလေးမြို့ကြီးဟာ ဇာတ်ပွဲတွေ၊ အငြိမ့်တွေက အခါမလပ်အောင် အပြိုင်အဆိုင် ကျင်းပခဲ့ရာ နေရာလို့ ဦးတူးက ပြောပါတယ်။ မန္တလေး မြောက်ပြင်သားဖြစ်တဲ့ အဘိုးဦးတူးဟာ ငယ်စဉ်ကတည်းက ဇာတ်ပွဲတကာကို လိုက်ကြည့်ရတာ ဝါသနာ အထုံရှိခဲ့သူ တစ်ဦးပါ။

သူဟာ ရွှေမန်းတင်မောင်ဇာတ်က နာမည်ကြီးလူရွှင်တော် ဦးဖျောက်ဆိပ်ရဲ့ မြေးလည်းဖြစ်တယ်လို့ အဘိုးဦးတူးက ပြောပါတယ်။ သူ့အဘိုးဖြစ်သူဟာ လူရွှင်တော်ဖြစ်ပေမဲ့ ဦးတူးရဲ့ မိသားစုဝင်တွေဟာ အနုပညာနဲ့ အသက်မွေးဝမ်းကျောင်းပြုဖို့ စိတ်မပါကြပါဘူး။

“အဘိုးက လူရွှင်တော်ပေမဲ့ အဖေက ဆံပင်ညှပ်ဆရာ။ အနုပညာနဲ့ဘာမှမဆိုင်တဲ့သူ။ မောင်နှမသားချင်း ၁၀ ယောက်ထဲမှာ ကိုယ်ပဲအရှက်မရှိ လူရွှင်တော်ဝါသနာပါတာ။ လူရွှင်တော်ဖြစ်ရမယ်ဆိုတဲ့ စိတ်က ငယ်ကတည်းကပါတယ်။ အိမ်မှာ ဇာတ်ခုံသေးသေးလေးတွေဆောက်ပြီး တစ်ယောက်တည်းလည်း ဆော့တတ်တယ်”လို့ ဦးတူးက ငယ်ဘဝကို ပြန်ပြောင်းပြောပါတယ်။

သူငယ်စဉ်က မန္တလေးတစ်ခွင်မှာ ဘယ်လောက်ပဲဝေးဝေး နေထိုင်ရာ မြောက်ပြင်အရပ်ကနေ ဇာတ်ပွဲ၊ အငြိမ့်ပွဲရှိရာကို ခြေလျင်လျှောက်ပြီး ရောက်အောင်သွားခဲ့တယ်လို့ သူက ဆိုပါတယ်။

“အသက် ၁၆ နှစ်ရောက်တော့ မင်းသမီး ညိုညိုစန်းအငြိမ့်မှာ လူရွှင်တော် ကိုသန်းဇော်က မပြန်တော့ဘူးလားလို့ မေးတော့ ခင်ဗျားတို့နောက်လိုက်ချင်တာဆိုပြီး ကိုယ်က ပြောလိုက်တယ်။ ဒါနဲ့ ကားဆွဲအနေနဲ့ မှုံရွှေရည်အငြိမ့်မှာ တစ်နေ့ ငါးကျပ်စားနဲ့ စလိုက်ခွင့်ရတယ်”လို့ ဦးတူးက ပြောပါတယ်။

ကားလိပ်ဆွဲအဖြစ် တစ်နှစ်အကြာမှာ ထြွကပွင့်လန်းလာတဲ့ အနုပညာဓာတ်အခံကြောင့် သူဟာ လူရွှင်တော် ဇာတိခံယူ၊ စင်မြင့်ထက်ကို တစ်ဆင့်တက်လှမ်းပြီး ဇာတ်အဖွဲ့နဲ့အတူ လူရွှင်တော်အဖြစ် စတင်ကပြဖျော်ဖြေရင်း ပရိသတ်တွေရဲ့ ဘဝအမောတွေကို ပြေပျောက်စေခဲ့ပါတယ်။ ဒဂုံစိန်သန်း၊ ဒဂုံလှရွှေ၊ ထန်းရွက်ပုတီး ငါးမည်ရတင်သိန်း စတဲ့ ဇာတ်တွေမှာလည်း ဦးတိုင်းကျော် ပါဝင်ဖျော်ဖြေခဲ့ပါတယ်။

စစ်အစိုးရလက်ထက် နိုင်ငံရေးတကြွ်ကလှုပ်ရှားသူတွေကို အပြင်းထန်ဆုံး ဖိနှိပ်စဉ်မှာ နိုင်ငံရေးနဲ့ မကင်းတဲ့ ပြက်လုံးတွေ ပြက်မိတာကြောင့် အချုပ်တန်းဝင်ဂုဏ်ထူးလည်း အဘိုးဦးတူး ချီးမြှင့်ခံခဲ့ရခဲ့ပါသေးတယ်။

“ဇာတ်ထဲမှာ ရှေ့မှာ သေနတ်မှန်တဲ့ကောင်တွေ ကျကုန်ပြီလို့ တစ်ယောက်က ပြောတော့ ဒါဆို မမှန်တဲ့ကောင်တွေကို ရှေ့ကိုပို့လိုက်ကွာလို့ ပြက်လိုက်လို့ အချုပ်ထဲ ညအိပ်လိုက်ရတယ်။ အချုပ်ထဲဆိုတော့ အန္တရာယ်ကင်းတာပေါ့လေ” လို့ အဖမ်းခံရပုံကိုသူက ဟာသနှောပြီး ပြန်ပြောပြခဲ့ပါတယ်။

“တို့ငယ်ငယ်က အဲဒါကိုက ပျော်စရာလိုဖြစ်နေတာ။ မနက်လင်းပြီဆိုရင် ဘယ်ကောင်ကြီးတော့ ဖမ်းသွားပြီဟေ့ဆိုပြီး ၄၂ လမ်းကလက်ဖက်ရည်ဆိုင်မှာ ထိုင်ပြောနေကြတာ”လို့ သူက ပြောပါတယ်။

သူပျော်ရွှင်ခဲ့ရတဲ့ ဇာတ်လောကဟာ ၁၉၇၀ ပြည့်နှစ်နောက်ပိုင်းမှာတော့ တစ်နည်းတစ်ဖုံ ပြောင်းလဲလို့ လာပါတယ်။ မိုးလင်းပေါက်ကတဲ့ ဘယ်ဇာတ်အဖွဲ့ကိုပဲ ကြည့်ကြည့် မနက်မိုးလင်းလာရင် မှတ်သားစရာ ဘာမှ မကျန်တော့ဘူးလို့ သူက ဆိုပါတယ်။

“ဇာတ်ပွဲတွေထဲ အော်ဂင်တွေ စရောက်ကတည်းက အောက်ကဆိုင်းနဲ့ အော်ဂင်နဲ့ ညှိနေရတာ။ လုပ်ချင်သလိုသာ လုပ်ကြပါတော့ဆိုပြီး ဇာတ်ခုံပေါ်ကနေ ဆင်းပေးလိုက်ရသလိုပါပဲ”လို့ သူတွယ်တာခဲ့ရတဲ့ ဇာတ်လောကအကြောင်းကို ပြန်ပြောင်းပြောပြပါတယ်။

ဒါ့ပြင် ကပြဖျော်ဖြေတဲ့ ဇာတ်အရည်အသွေးကလည်း တဖြည်းဖြည်းကျဆင်းလာတယ်လို့ သူက ဆိုပါတယ်။ နိုင်ငံကျော်စာရေးဆရာမကြီး လူထုဒေါ်အမာက အငြိမ့်နဲ့ ဇာတ်သဘင်လောကမှာ ယိုယွင်းလာတဲ့ အခြေအနေတွေကို မီးမောင်းထိုးပြထားတဲ့ “အမျိုးသားသဘင်တွေရဲ့ ကနေ့အခြေအနေ” စာတမ်းကို ပြုစုပြီး ၁၉၇၁ ခုနှစ် စာဆိုတော်နေ့ အခမ်းအနားမှာ ဖတ်ကြားခဲ့ပါတယ်။

“မှတ်မှတ်ရရ ၁၉၆၉ ဝန်းကျင်မှာ စိန်ပန်းရပ်က စတိတ်ရှိုးမှာ မိန်းမတွေပါ လက်တွေခြေတွေလှုပ်ပြီး ကတာ မြင်ရတော့တို့လောကတော့ ပျက်စီးဖို့ စလာပြီလို့တွေးပြီး ရင်ထုမနာဖြစ်ရတယ်။ နောက်ပိုင်းမှာ ပွဲကရင်းနဲ့ လူသတ်မှုဖြစ်တာတွေ ရှိလာတယ်”လို့သူက ပြောပါတယ်။

အရင်တုန်းက ဇာတ်ကရာမှာ ပရိသတ်ရာချီအားပေးခဲ့တဲ့ ကဇာတ်ရုံကြီးတွေ အသုံးပြုကြပြီး အခုအချိန်မှာတော့ ဇာတ်ရုံအသေးလေးတွေနဲ့ပဲ ကပြကြတော့တယ်လို့ သူက ဆိုပါတယ်။ ဇာတ်ကတဲ့အခါမှာ စတိတ်ရှိုးလို့ခေါ်တဲ့ ဇာတ်စင်ပေါ်မှာ ကာလပေါ်သီချင်းတွေကို သီဆိုဖျော်ဖြေနေခြင်းကလည်း ကတဲ့ဇာတ်၊ အငြိမ့်တွေရဲ့ အနှစ်သာရကို ထိခိုက်စေတယ်လို့ ဦးတူးက ပြောပါတယ်။

ဒီအခြေအနေတွေနဲ့ အသက်အရွယ်အရ စင်မြင့်ပေါ်က လူပြက်ဘဝကို စွန့်ခွာခဲ့ပေမဲ့ သူ့ရဲ့ အနုသုခုမဘဝ သူဘယ်တော့မှ နောင်တမရခဲ့ဘူးလို့ ဦးတူးက ဆိုပါတယ်။ သူသိထားတဲ့ လူပြက်ပညာရပ်တွေကိုလည်း သင်ယူလိုတဲ့သူရှိရင် ပညာအမွေပေးချင်တယ်လို့ သူက ဆိုပါတယ်။

“မသေခင် အခုဘာအဖြစ်ချင်ဆုံးလဲမေးရင် အနုပညာနဲ့ ပတ်သက်ပြီး အကြံပေးဖြစ်ချင်တယ်။ တောင်ရှည် မဝတ်တတ်ရင် တောင်ရှည်ဝတ်နည်းသင်ပေးမယ်။ ခွန်းထောက်၊ ဧယင်ကျူး၊ ငိုချင်း၊တောချီး နန်းချီး (တောတောင်၊ နန်းတွင်းချီးမွမ်းခန်း) မတတ်ရင် သင်ပေးချင်တယ်။ လူပြက်အစက တောင်ရှည်ဝတ်တာပဲ။ လူပြက်ဖြစ်ချင်ရင် လာခဲ့။ အဲဒါကစ သင်ပေးမယ်”လို့ ဦးတိုင်းကျော် တစ်ဖြစ်လဲ အဘိုးဦးတူးက ပြောပါတယ်။